Den glade gromguten vår skal skrive særoppgåve om helleristningar. I ei gammal avis finn han ut at det ligg ein gard, ikkje så langt unna, der det finst helleristningar. Det må jo vere ein grei ting, tenker helten vår. Men aldri er noko enkelt og greitt for Smørbukk og Trond. Forviklingar, gullgraving og skrømt kjem i vegen for særoppgåva, men til sist ordnar alt seg og julegåver kjem som takk! Tekst og teikning av jubilanten Håkon Aasnes.

Som vanleg får du eit gjensyn med Solveig Muren Sandens morosame Smørbukk frå 1973.